Orkuveita Húsavíkur

Viðgerð á hitaveitustofnlögn undir Búðarárbrú gengur vel. Starfsmenn Orkuveitunnar og vélsmiðjunnar Gríms hafa unnið í allan dag að því að taka sundur laskað rör og setja upp ný. Tveimur nýjum rörum þarf að koma fyrir, festa og sjóða saman. Núna er verið að setja upp seinna rörið og eru líkur til þess að vatn komi aftur á um klukkan 19 í kvöld.

Mánudaginn 30. ágúst verður gert við hitaveitustofnæð í bæinn. Heitt vatn verður tekið af kl. 8:30 og verður vatnslaust fram eftir degi. Svæðin sem verða vatnslaus eru fyrir neðan bakka og í hluta norðurbæjar. Þeir íbúar norðurbæjarins sem hafa vatn gætu orðið varir við þrýstifall. Fyrir nánari upplýsingar eru hægt að hafa samband við Orkuveitu Húsavíkur í síma 464-0900.

Seinnipartinn í gær átti það óhapp sér stað að vörubifreið sem ekið var niður Búðarárgilið rak krana upp undir aðveituæðina í bæinn. Engann sakaði en töluverðar skemmdir urðu á bæði aðveituæð og krana bílsins.

Skemmd á rörinu mun ekki hafa áhrif á afhendingu vatns í bænum fyrr en ráðist verður í viðgerð, en þá þarf að taka vatn af norðurbænum. Það verður auglýst þegar af því verður.